Mbi një mijë pelegrinë myslimanë vdesin nga temperaturat e larta në Arabinë Saudite

Më shumë se një mijë vetë vdiqën gjatë pelegrinazhit të Haxhit në Arabinë Saudite, njoftuan autoritetet.

Besimtarët myslimanë u përballën me temperatura tepër të larta, që arritën deri në 46 gradë celsius, gjatë udhëtimit në vendin e shenjtë në Mekë këtë muaj.

Më shumë se gjysma e të vdekurve ishin nga Egjipti, sipas zyrtarëve në Kajro. Egjipti njoftoi heqjen e licencës për 16 agjenci udhëtimi që ndihmoi pelegrinë të paautorizuar që të udhëtonin në Arabinë Saudite, njoftuan autoritetet.

Arabia Saudite nuk ka komentuar mbi vdekjet gjatë pelegrinazhit.

Një nga pesë shtyllat e Islamit, Haxhi është një detyrë e shenjtë që çdo besimtar mysliman duhet të ndërmarrë të paktën një herë në jetë,

Qeveria e Egjiptit njoftoi se 31 pelegrinë të autorizuar vdiqën për shkak të sëmundjeve kronike gjatë pelegrinazhit të këtij viti, por nuk dha shifra zyrtarë për besimtarët e tjerë.

LEXONI GJITHASHTU:

• Të paktën 550 pelegrinë të Haxhit humbën jetën për shkak të të nxehtit
• Të paktën 14 pelegrinë të Haxhit humbin jetën për shkak të të nxehtit