Polonia kërkon ushtarë, frikë nga lufta me Rusinë
Ushtria polake ka nisur një iniciativë për të tërhequr të rinjtë e vendit, për t’i trajnuar ata me rigorozitet për të mbrojtur atdheun e tyre kundër agresionit të mundshëm nga Rusia.
Stërvitja me ushtrinë është një kamp 28-ditor që ofron trajnime bazë për personat mbi 18 vjeç, shumë prej të cilëve janë të sapodiplomuar nga shkolla e mesme.
Sipas zyrtarëve, pjesëmarrësit do të paguhen 1,400 €.
Ushtria prezantoi skemën në kërkim të rekrutëve ndërsa Polonia zgjeroi ushtrinë e saj prej 198,000 anëtarësh. Masë e ndërmarrë përballë agresionit rus në Ukrainën fqinje – gjë që ka ngritur frikën se Vladimir Putin mund të ketë plane për vende të tjera që dikur ishin në sferën e ndikimit sovjetik.
Zyrtarët thonë se ka pasur interes të madh për programin, i cili po zhvillohet në 70 zona në të gjithë Poloninë.
Pushtimi i plotë i Ukrainës nga Rusia në vitin 2022 ka ngjallur një impuls tek polakët për të mbrojtur kombin, tha një zëdhënës në Ministrinë e Mbrojtjes.
Në fund të stërvitjes, vullnetarët do të bëjnë një betim ushtari në të cilin betohen “për t’i shërbyer me besnikëri Republikës së Polonisë … edhe me çmimin e humbjes së jetës ose gjakut “. Ata që zgjedhin një jetë ushtarake mund të bashkohen me një degë të shërbimeve të armatosura profesionale, Forcave të Mbrojtjes Territoriale ose të jenë në gatishmëri si rezervistë.
Aksionet e Rusisë shkaktuan shqetësime në rajon çka ka nxitur një riorganizim të madh të sigurisë nga Deti Baltik në Detin e Zi, duke i detyruar kombet dhe individët të marrin në konsideratë mundësinë e nje lufte . Suedia dhe Finlanda thyen neutralitetin e tyre për t’u bashkuar me NATO-n dhe vende të tjera po shqyrtojnë mundësinë e rekrutimit të detyrueshëm. Danimarka planifikon të zgjerojë shërbimin ushtarak duke edhe përfshirë gratë. Në Poloni, e cila është anëtare e NATO-s dhe e Bashkimit Evropian, kërcënimi duket i afërt.
LEXONI GJITHASHTU:
Dhoma e Përfaqësuesve miraton masën për t’i dhënë fund luftës në Iran
Partia Demokratike në pushtet fiton zgjedhjet lokale në Korenë e Jugut
Kina ndalon hyrjen e katër deputetëve të Zelandës së Re pas vizitës në Tajvan
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut