Emri| Arrestohet 36 vjeçari për kultivimin e lëndëve narkotike në Dibër

Policia e Dibrës ka arrestuar në flagrancë shtetasin Mentor Hida 36 vjeç, për kultivim të bimëve narkotike në fshatin Selishtë. Në kuadër të operacionit antikanabis “Territor i Pastër” policia njofton se  Mentor Hida ishte  kultivuar dhjetëra bimë kanabisi, të cilat u asgjësuan me anë të djegies, si dhe janë sekuestruar në cilësinë e provës materiale, mjete të ndryshme pune që shërbenin në këtë aktivitet kriminal.

Gjithashtu, për këtë rast  nisi procedimi penal për veprën penale “Shpërdorimi i detyrës”, për shtetasit H.L., kryeplaku i fshatit Selishtë dhe H.K.,  specialisti i pyjeve në këtë fshat.

Vijon puna e policisë për identifikimin, kapjen dhe nxjerrjen përpara përgjegjësisë penale, të bashkëpunëtorëve të tjetë, të përfshirë në këtë aktivitet kriminal.

Materialet i kaluan Prokurorisë, për veprime të mëtejshme.