Kina dhe Bjellorusia nisin stërvitje të përbashkëta ushtarake pranë kufirit polak

Kina dhe Bjellorusia kanë nisur stërvitjet e përbashkëta ushtarake vetëm pak milje larg kufirit polak.

Sipas mediave të huaja, manovrat, të koduara me emrin Falcon Assault, do të zgjasin deri më 19 korrik dhe po zhvillohen në një terren stërvitor pranë qytetit të Brest-it, tha Ministria e Mbrojtjes bjelloruse.

Stërvitjet po zhvillohen në prag të një Samiti të NATO-s në Uashington, ku 32 vendet anëtare të aleancës, përfshirë Poloninë, do të takohen për të diskutuar mbështetjen e mëtejshme ushtarake dhe financiare për Ukrainën.

Mos harroni, Bjellorusia, ndoshta aleati më i afërt i Rusisë, e lejoi Moskën të përdorte territorin e saj si një nga pikat e nisjes për në Ukrainë në vitin 2022.

“Ngjarjet që ndodhin në botë janë alarmante, situata është shqetësuese, prandaj ne do të praktikojmë forma dhe metoda të reja të kryerjes së detyrave taktike”, tha gjeneralmajor Vadim Denisenko, shefi i komandës së operacioneve speciale bjelloruse.

Si pjesë e “stërvitjeve anti-terroriste”, personeli ushtarak kinez dhe bjellorus do të zgjidhin çështjet e uljes së natës, tejkalimit të barrierave ujore dhe kryerjes së operacioneve në një zonë të populluar, sipas Ministrisë së Mbrojtjes bjelloruse.

Trupat kineze mund të shiheshin duke zbritur nga një aeroplan dhe duke shkarkuar pajisjet në fotot e postuara në Telegram.

Ministria kineze e Mbrojtjes tha se Bjellorusia mbajti një “ceremoni të madhe mirëseardhjeje” për trupat kineze të enjten.

“Trajnimi i përbashkët synon të rrisë aftësitë koordinuese të trupave pjesëmarrëse dhe të thellojë bashkëpunimin praktik midis dy ushtrive,” tha Ministria.

Nuk ishte e qartë se sa trupa ishin të përfshirë në këtë stërvitje ushtarake.

LEXONI GJITHASHTU:

• Aspirata e Turqisë për anëtarësim në organizatën e krijuar nga Rusia dhe Kina
• Kina dhe Rusia forcojnë lidhjet ndërsa Moska vazhdon ofensivën në Ukrainë