Kryeministri i Indisë vizitë në Rusi: Vdekja e fëmijëve në luftë ‘shumë e dhimbshme’

Kryeministri indian Narendra Modi ka vizituar Rusinë, ku është pritur në një takim nga Presidenti Vladimir Putin.

Sipas mediave të huaja, bëhet me dije se Modi ka bërë një kritikë ‘të fshehtë’ ndaj sulmeve vdekjeprurëse të Rusisë në Ukrainë.

Modi, i cili nuk e ka dënuar pushtimin e Rusisë në Ukrainë, i tha presidentit rus se vdekja e fëmijëve të pafajshëm në luftë, konflikt ose një sulm terrorist “është shumë e dhimbshme”.

Komentet erdhën vetëm disa orë pasi Ukraina zbuloi se katër fëmijë, dy të moshës tetë vjeç, u vranë nga një valë sulmesh ruse dje, përfshirë në një spital pediatrik.

Modi i tha Putinit se një zgjidhje për luftën në Ukrainë “nuk mund të gjendet në fushën e betejës… ne duhet të gjejmë paqen përmes bisedimeve”.

Ndërsa varet nga interpretimi se si lexohen komentet e Modit, ato nuk duket se tregojnë ndonjë përkeqësim të marrëdhënieve.

Në të vërtetë, dyshja e kanë kaluar ditën duke vlerësuar marrëdhëniet e vendeve të tyre dhe duke shprehur synimin për ta thelluar atë.

LEXONI GJITHASHTU:

• Putin: Rusia është e gatshme për dialog me SHBA-në
• Aspirata e Turqisë për anëtarësim në organizatën e krijuar nga Rusia dhe Kina