Putin takim të “ngrohtë” me Modin, i tregon me makinën e golfit rezidencën luksoze

Teksa liderët e NATO-s janë mbledhur në Washington, Presidenti Vladimir Putin duket se po kërkon të krijojë aleanca të forta me Indinë.

Këtë e vërteton edhe vizita e fundit e kryeministrit indian në Moskë.

Krahas mikpritjes zyrtare, Putin ka zgjedhur t’i tregojë rezidencën e tij Narendra Modit .

Madje e ka shoqëuar me një makinë golfi të cilën e drejtonte vetë shefi i Kremlinit.

Në videon e publikuar duken dy liderët të cilët janë duke biseduar të qetë.

Ata  shijuan një çaj , bën xhiro rreth rezidencës dhe madje Putin i tregoi edhe stallat me kuajt.

‘Një moment gëzimi kështu e përshkroi kryeministri indian turin në residencën e Putin.

Sipas mediave dy liderët krahas bisedës miqësore  zhvilluan edhe një takim kokë më kokë ku temë diskutimi ishte dhe Ukraina.

Kryeministri i Indisë, Narendra Modi, i tha presidentit rus, Vladimir Putin, se “lufta nuk mund të zgjidhë problemet” dhe bëri thirrje për “paqe përmes dialogut”.

Kjo është vizita e parë e kryeministrit indian në Rusi që nga viti 2019.

Rusia është një furnizuese kyçe e naftës dhe armëve në Indi, por izolimi i Moskës nga Perëndimi dhe rritja e lidhjeve me Pekinin kanë pasur ndikim në partneritetin e Rusisë me Indinë.

Fuqitë perëndimore në vitet e fundit kanë forcuar lidhjet me Indinë, për t’iu kundërvënë ndikimit të Kinës në rajonin e Azi-Paqësorit, dhe duke i bërë presion Nju Delhit që të distancohet nga Rusia.

Shtetet e Bashkuara  i bën thirrje Modit që t’ia bëjë të qartë Putinit se “çdo zgjidhje për konfliktin në Ukrainë duhet të jetë në linjë me Kartën e Kombeve të Bashkuara dhe të respektojë integritetin territorial të Ukrainës.

LEXONI GJITHASHTU:

• Kryeministri i Indisë në takim me Putinin: Lufta nuk mund të zgjidhë problemet
• Putin: Rusia është e gatshme për dialog me SHBA-në