Mesazhi i protestës së opozitës, Manjani: Mos u merrni me numrat, ç’tregoi tubimi

Ish-ministri i Drejtësisë Ylli Manjani, i ftuar në “Now me Erla Mehilin”, ka komentuar protestën e opozitës para Kryeministrisë.

Sipas tij, protesta meriton respektin e të gjithëve dhe se me këtë protestë Partia Demokratike po transmeton mesazhin se “ne jemi këtu”.

Manjani shprehet se nuk ka rëndësi numri i protestuesve, por fakti që një pjesë e qytetarëve reagojnë kur nuk i pëlqen qeveria.

“Unë mendoj që kjo është një demonstrim, dhe çfarë rëndësie ka kjo në fund të ditës merr respekt. Çdo person që është aty në këtë protestë meriton respekt, dhe përtej kësaj, korriku është muaji i protestës. PD po e kthen këtë në traditë. Këtu ka një debat të pashtershëm, nëse kjo është rruga që në fund të ditës duhet. Një shoqëri që proteston, ajo që ka vlerë është mesazhi. Partia Demokratike po përpiqet të thotë që “Ne jemi këtu!:, dhe jo se çfarë quhet opozitë politike. Ata po thonë: “Ne jemi këtu, kemi aq sa kemi, shpresojmë të bëhemi më shumë””, tha Manjani.