“Nuk më vjen keq që do shkoj në qeli” – Mbërrin në Shqipëri Fredi Beleri

Fredi Beleri është kthyer mëngjesin e së shtunës në Shqipëri përmes aeroportit të Rinasit pasi u betua në Parlamentin Evropian si eurodeputet.

I pyetur nga Euronews Albania nëse do të shkojë ditën e sotme në Himarë, Beleri është përgjigjur ‘jo’.

“Nuk më vjen keq që do të shkoj në qeli”, u shpreh Beleri.

I pyetur për kandidatin e opozitës për Bashkinë e Himarës, Fredi Beleri u shpreh se opozita mund t’i fitojë zgjedhjet.

“Mbase është kandidat më i denjë sesa unë”, tha Beleri.

Në orën 16:00 ditën e sotme, Belerit i mbaron leja 5 ditore e dhënë nga Drejtoria e Burgjeve.

Eurodeputeti Fredi Beleri kërkoi një ditë më parë në gjykatë lirinë me kusht. Sipas burimeve për Euronews Albania, bëhet me dije se kërkesa është dorëzuar në Gjykatën e Fierit, aty ku është edhe IEVP ku ai po vuan dënimin.

Beleri u dënua nga Gjykata e Posaçme e Apelit me 2 vite burg për blerje votash. Ai e shlyen dënimin përfundimisht në 19 tetor dhe fiton lirinë

LEXONI GJITHASHTU:

• U betua si eurodeputet, Fredi Beleri kërkon lirinë me kusht në Gjykatën e Fierit
• Gjokutaj probleme shëndetësore, avokatja e Belerit përfaqëson Berishën në GJKKO