Korçarja që jetoi në Greqi: Plaga e emigracionit atje la familje shqiptare duke qarë

Çeljeta, 50-vjeçarja nga fshati Mborje , e cila sot jeton me prindërit, rrëfen në emisionin Rieë një nga eksperiencat në Greqi.

Sipas saj, shumë shqiptarë kanë vuajtur pasi punonjësit e zyrave të emigracionit nuk ua jepnin dokumentat pasi kërkonin para në këmbim.

Ajo kujton rastin kur familjeve shqiptare u kishin humbur pasaportat brenda zyrave të shtetit, çka la familjet duke qarë, pasi kishin humbur gjithçka.

Pjesë nga intervista:

Çeljeta: Në kohën që merrja dokumentat greke, ata që punon në Zyrën e Emigracionit u arrestuan sepse punonin për t’ju marrë lekë emigrantëve. Në këtë vorbull pata fatin që një e njohura ime kishte motrën që punonte në zyrat e bashkisë dhe më ndihmuan.

Gazetari Flori Gjini: Sa para ju merrnin ata shqiptarëve?

Çeljeta: Nuk e di, por ju kanë humbur shqiptarëve edhe pasaportat. Ndërkohë që nga Ministria e Jashtme vinte viza, ata e mbanin në sirtar, nuk ua jepnin dhe ju kërkonin lekë. Shihja familje që qanin sepse mbetën pa asnjë lloj dokumenti.