Pamjet e Erdogan bëhen virale, godet me shuplakë djalin e vogël që nuk i puthi dorën

Pamjet e Presidentit turk Rexhep Tajip Erdogan, janë bërë virale në rrjet, teksa ai goditi me shuplakë një djalë të vogël që nuk i puthi dorën gjatë një ceremonie zyrtare.

Incidenti ndodhi të dielën, gjatë ceremonisë për inagurimin e shtëpive të rindërtuara si pjesë e transformimit urban në provincën veriore të Rizes, në rrafshnaltën Aider.

Në video shihet Erdogan duke i dorëzuar familjeve çelësat e shtëpive të tyre.

Në përfundim të fjalimit dy fëmijë u ngjitën të parët në skenë.

Presidenti u shtriu dorën që ata ta puthnin, por njëri nga djemtë nuk e bëri. Si kundërpërgjigje, Erdogan e goditi lehtë me shuplakë. Pas kësaj, fëmija i puthi pëllëmbën dhe lideri turk, sipas raportimeve të mediave, u dha të dy fëmijëve para xhepi.