Bllokoi aksesin në Instagram, qeveria turke do takohet me zyrtarët e platformës

Qeveria turke do të zhvillojë bisedime me zyrtarët e Instagramit sot pasi bllokoi aksesin në platformë javën e kaluar, njoftoi ministri turk i Transportit dhe Infrastrukturës Abdulkadir Uraloglu.

Uraloglu shkroi në platformën X se Turqia shprehu disa kundërshtime në lidhje me respektimin e ligjeve turke në një takim të mëparshëm me përfaqësuesit e Instagramit javën e kaluar.

Turqia ka bllokuar aksesin në Instagram, tha të premten organi rregullator i teknologjisë së informacionit të Turqisë, pa specifikuar arsyen apo sa do të zgjaste ndalimi.

Ky vendim është publikuar në faqen e internetit të Autoritetit Rregullativ të Teknologjisë së Informacionit Turk.

Ndalimi erdhi pasi zyrtari turk i telekomunikacionit Faretin Altun kritikoi Instagramin për bllokimin e postimeve që shprehnin ngushëllime për vrasjen e liderit politik të Hamasit, Ismail Haniyeh, raportoi Reuters.

Altun, i cili është shefi i komunikimit për presidencën turke, shkroi në platformën X se ishte censurë e dukshme sepse Instagram nuk deklaroi se kishte shkelje të rregullave për postimin në atë platformë kur bllokoi postimet që shprehnin ngushëllime për vrasjen e Haniyeh.

LEXONI GJITHASHTU:

• Pikëpyetjet e censit, drejtoresha e INSTAT: Të dhënat u nxorën shpejt, asnjë gabim
• Turqia miraton ligjin për largim të qenve endacakë nga rrugët, opozita e kundërshton