Identifikohet trupi i pajetë i Hajrizit, ceremonia mortore kryhet të dielën

Vdekja e Faton Hajrizit eshte konfirmuar përfundimisht.

Trupi i tij i pajetë te cilin autoritetet serbe e dorëzuan tek ato kosovare, është identifikuar edhe nga familjarët e tij në Institutin e Mjekësisë Ligjore.

“Mbrëmë rreth orës një është pranuar trupi  pajet, i cili ëstë  Faton Hajrizit. Këtë po e deklarojmë pas urdheresës së prokurorit përgjegjës, është identitifikuar edhe nga familjarët në praninë e mjekut kujdestar.” -deklaroi Agron Thaçi, Drejtori i Departamentit të Laboratorëve në Institutin e Mjekësisë Ligjore.

Këtë e konfirmoj edhe avokati i familjes, Arianit Koci.

“Sot në mëngjes trupin e ka identifikuar edhe nëna e Fatonit, kufomën e tij, nuk ka më dilemë nëse është ai apo jo.” -tha avokati.

Thaçi bëri të ditur se pas autopsisë trupi i Fatonit mund t’i dorëzohet familjarëve.

“Për shkak të ndjeshmërisë së ngjarjes dhe rrethanave, në konsultim edhe me drejtorin e përgjithshëm, kemi formuar një komision me 3 anëtarë që do të kryejnë autopsinë. Trup pajetë do të mund t’i  dorëzohet familjarëve.” -vazhdoi ai.

Lidhur me gjendjen e trupit të pajetë të Fatonit ka folur avokati Koci.

“Unë e kam parë trupin dhe vlerësoj që nuk është mbajtur në gjendje të mirë.” -u shpreh avokati.

Familja Hajrizi ka njoftuar tashmë se ceremonia e varrimit do të mbahet të dielën në orën 14 në varrezat e fshatit Klinë e Epërme e Skënderajt.