Zëdhënësi i Hamasit kundërshton optimizmin e Biden për marrëveshjen e armëpushimit

“Optimizmi i Joe Biden për një armëpushim të afërt Izrael-Hamas është vetëm një përpjekje për të mbajtur të qetë fuqitë armiqësore dhe nuk ka pasur “asnjë përmirësim”, tha një zëdhënës i grupit militant për median Sky News.

Presidenti amerikan u tha gazetarëve të premten se ishte “optimist“ dhe se ka “vetëm disa çështje të tjera” që negociatorët e SHBA, Katarit dhe Egjiptit duhet të zgjidhin midis dy palëve.

Por duke folur me Sky News, zëdhënësi i Hamasit në Liban Dr Ahmad Abdulhadi tha se kjo “nuk ishte e vërtetë”.

“Administrata Biden po përpiqet të tregojë se mjedisi është pozitiv. Por raundi i parë tregoi se nuk ka përmirësime,” tha zëdhënësi.

Ai u shpreh se pretendimet e zotit Biden ishin vetëm për të “mbajtur gjithçka pozitive në media” dhe “të mbajë të qetë Boshtin e Rezistencës dhe ta ndalojë atë të përgjigjet ndaj vrasjes dhe të mos rrëshqasë në një luftë rajonale”.

Boshti i Rezistencës i referohet aleancës së udhëhequr nga Irani midis grupeve të ndryshme islamike, përfshirë Hamasin.

Izraeli besohet se ka vrarë kreun politik të Hamasit, Ismail Haniyeh në Iran muajin e kaluar, në atë që grupi e përshkroi si një “sulm tradhtar sionist në rezidencën e tij në Teheran”.

LEXONI GJITHASHTU:

• Biden, optimist për arritjen e armëpushimit në Gazë
• Nisin në Katar bisedimet për armëpushimin në Gaza