Vetting politikanëve? Manja dhe Kaso përballë të rinjve në “Rinvote”

Mbrëmjen e sotme, në emisionin “Rinvote” në Euronews Albania kandidatët për deputetë Ulsi Manja nga Partia Socialiste dhe Ivi Kaso nga Partia Demokratike u përballen me pyetjet e të rinjve mbi problemet që ka Shqipëria, në fushën e drejtësisë.

Konkretisht, kreu i Komisionit Parlamentar të Ligjeve, Ulsi Manja tha se reforma në drejtësi është një nga reformat më të thella që është ndërmarrë në vend në tre dekada demokraci.

Ai u ndal konkretisht edhe tek operacioni Forca e Ligjit, ku të rinjtë kërkuan shpjegime konkrete mbi rezultatet e arritura.

Brenda një kohë të shkurtër, Manja u shpreh se janë dhënë 105 vendime gjykate, përmes të cilave janë sekuestruar 614 pasuri të paligjshme për 78 grupe kriminale.

Po ashtu, nuk munguan pyetjet drejtuar sekretarit për çështjet zgjedhore në Partinë Demokratike Ivi Kaso.

Ai u pyet se çfarë instrumentesh do të aplikojë PD-ja kur të vijë në pushtet me ata gjyqtarë dhe prokurorë, që ndonëse janë larguar nga vetting vijojnë ende të punojnë në universitete apo institucione të tjera.

Z. Kaso theksoi se kjo është një çështje që i takon drejtësinë së re, e cila sipas tij ka për detyrë të gjejë shkeljet dhe t’i dënojë sipas ligjit, ose në të kundërt, duhet që këtyre personave t’u krijohen mekanizma për të përballuar përditshmërinë.

Një pyetje tjetër, e cila nuk mungoi nga të rinjtë në emisionin “Rinvote” ishte edhe vettingu për politikanët.

Kandidati PS-së për deputet, Ulsi Manja theksoi se SPAK-u i ka duart e lira ta bëjë këtë gjë, ndërsa Ivi Kaso theksoi se nëse PD-ja vjen në pushtet do ta rishikojë këtë gjë.

Lexoni gjithashtu: 

Aktivistët i drejtojnë dy pyetje të vështira Ulsi Manjës dhe Ivi Kasos

Manja: Sfida e PS në mandatin e tretë, zbatimi i plotë i reformës në drejtësi dhe mbrojtja nga ata që duan ta zhbëjnë

Të rinjtë pyetje direkte për Manjën dhe Kason mbi vettingun dhe OFL-në

Reforma në drejtësi, Kaso: Fakti që mazhoranca e proklamon si arritje të vetën, tregon se ose ka dështuar ose do dështojë

Ulsi Manja: PD ka votuar vetëm një nga ligjet e reformës në drejtësi, nga 2019 s’ka kontribut