UEFA vlerëson Ronaldon, portugezi merr çmimin special

1 vit më parë i dha lamtumirën Europës, por emri i CR7 është gdhendur me shkronja të artë në kontinentin e vjetër, e kjo falë statistikave mbresëlënëse, të një prej shënuesve më të mirë në botën e futbollit.

Për kontributin e tij, konkretisht në Champions League, UEFA ka vendosur ti dorëzojë atij një çmim special, me një trofe dedikur golashënuesit më të mirë të historisë së këtij kompeticioni.

Lajmin e ka konfirmuar vetë kreu i UEFA-s Alexander Ceferin, i cili e cilëson rekordin e portugezit të jashtëzakonshëm e vështirë se mund të thyhet.

Ronaldo numëron 183 paraqitje në Ligën e Kampionëve, ku ka arritur të realizojë 140 gola. Ka arritur ta fitojë kompeticionin 5 herë, ndërsa në 7 edicione ka qenë në krye të listës së shënuesve.

Çmimi special do t’i dorëzohet futbollistit 39-vjeçar në ceremoninë e hedhjes së shortit për sezonin e ri të ligës së kampionëve, i cili në këtë garë la pas rivalin e tij historik Lionel Messi, me këtë të fundit që numëron 11 rrjeta më pak. Mes 5 më të mirëve ka vend dhe për Lewandowskin, Benzema e Raul Gonzalez.