Paula Abdul anulon turneun muzikor, këngëtarja 62-vjeçare probleme me shëndetin

Paula Abdul ka njoftuar se turneu i saj i ardhshëm kanadez po anulohet për shkak të problemeve shëndetësore.

Këngëtarja 62-vjeçare ka ndarë lajmin në Instagram duke shkruar: Më duhet të ndaj një lajm aspak të mirë me ju në lidhje me disa dëmtime që kam pësuar së fundmi. Në përpjekje për të vazhduar, kam bërë injeksione që do të më japin lehtësim të përkohshëm, por kërkesat e një turneu të plotë janë një histori tjetër, vazhdoi ajo:

“Pas diskutimeve të shumta me mjekët e mi dhe eksplorimit të të gjitha opsioneve të disponueshme, jam informuar se një nga dëmtimet e mia kërkon një procedurë të vogël të ndjekur nga 6-8 javë kohë rikuperimi, prandaj do të më duhet të ndërpres koncertet e mia”.

Ish-gjyqtarja e “American Idol” më vonë u kërkoi falje “fansave të saj të” të cilët planifikonin ta shihnin atë në turne, i cili duhej të fillonte më 25 shtator dhe të zgjaste deri më 26 tetor, dhe sqaroi se të gjitha paratë e biletave do të të kthehen.

Turneu me 21 qytete ishte caktuar të fillonte më vonë këtë muaj në Victoria, British Columbia.

Abdul dhe DJ Jazzy Jeff hapën mbi 40 shfaqje për New Kids on the Block. Turneu filloi më 14 qershor në Ohio dhe përfundoi më 25 gusht në Indiana.

LEXONI GJITHASHTU:

• U rrëzua nga skela ndërsa punonte, humb jetën 66-vjeçari në Tiranë
• Vera e 2024-ës më e nxehta në histori, shkak kryesor aktivitetet njerëzore