“Nuk do ta shesim tokën tonë”, Zelensky: Do t’ia bëjmë të qartë Rusisë për Krimenë

Presidenti ukrainas Volodymyr Zelensky u ka bërë thirrje pjesëmarrësve në Samitin e Katërt të Platformës së Krimesë. Në fjalimin e tij, ai u ka kujtuar liderëve të vendeve aleate se lufta nisi me pushtimin e Krimesë dhe se çlirimi i saj është jetik për një paqe afatgjatë në Ukrainë.

“Falë Platformës së Krimesë, falë përpjekjeve tona diplomatike, falë rezistencës së popullit tonë dhe ushtarëve tanë, ne do ta bëjmë tërësisht të qartë se do ta detyrojmë Rusinë të përballet me realitetin, me ligjin ndërkombëtar, me fuqinë e solidaritetit global dhe me nevojën për të rivendosur drejtësinë për Ukrainën, për një paqe afatgjatë në tokën tonë”, tha Zelenssky.

Samiti u organizua për herë të parë në vitin 2021 dhe fokusohet në përpjekjet për rimarrjen e gadishullit, që ndodhet nën pushtimin rus që prej 2014-s.

Zelensky theksoi se Ukraina nuk do ta shesë tokën e saj dhe as do të braktisë popullin. Në kuadër të samitit, lideri ukrainas zbuloi një monument në Kiev, kushtuar viktimave të dëbimit nga Krimea në vitin 1944.

LEXONI GJITHASHTU:

• Zelensky thotë se fitorja e Ukrainës kundër Rusisë “varet nga SHBA-ja”
• Rusia në konferencën e paqes, Zelensky pranon propozimin e Gjermanisë