Skandali në RMV! Gjuha shqipe mungon në tabelat rrugore, hiqen gjatë natës

Një skandal ka përfshirë Maqedoninë Veriut, ku në tabelat e sinjalistikës rrugore të vendosura ditën e premte pranë kufirit me Kosovën në Bllacë, mungonte gjuha shqipe.

Gazetari i Euronews Albania, Furkan Saliu, gjatë një lidhje të drejtpërdrejt nga Bllaca bëri me dije këtë të shtunë se tabelat e vendosura janë hequr gjatë natës.

Sipas gazetarit nuk ka asnjë reagim nga autoritetet se përse mungonte gjuha shqipe në tabela dhe kush i hoqi ato.

Punonjësit e ndërmarrjes publike të rugëve në RMV pranuan jashtë kamerave për Euronews Albania s enuk janë ata që i kanë hequr tabelat.

“Ajo që është e çuditshme është se sot tabelat në shqip nuk janë, gjatë natës dikush i kanë larguar. Ne takuam njërin prej punonjësve të ndërrmarjes publike të rrugëve dhe e pyetëm nëse i kanë larguar ata dhe a janë vendosur gabimisht. Na thanë që nuk janë ata që i kanë larguar dhe nuk e dinë se ku janë. Do kërkojmë më vonë përgjigje se pse janë larguar”, ka raportuar gazetari Furkan Saliu për Euronews Albania.