Princ Harry feston 40-vjetorin e lindjes, merr urime nga familja mbretërore

Familja mbretërore britanike uroi sot Princin Harry për ditëlindjen e tij të 40-të, për herë të parë që nga viti 2021.

Kartolina e ditëlindjes u dërgua nga llogaria zyrtare e mediave sociale të Pallatit të Buckinghamit, megjithëse nuk ishte e nënshkruar nga mbreti Charles.

I njëjti mesazh u postua disa orë më vonë në llogarinë zyrtare të Princit William dhe Princeshës Kate, raporton BFM, duke spekuluar se mund të jetë një aluzion për një “shkrirje” në marrëdhëniet midis Princit Harry dhe familjes mbretërore.

Në tre vitet e fundit, nuk ka pasur asnjë urim për ditëlindjen për Princin Harry në asnjë llogari të anëtarëve të familjes mbretërore, vëren televizioni francez.

Princi Harry po feston ditëlindjen e tij të 40-të me fëmijët dhe gruan e tij Meghan në Kaliforni, shumë larg Britanisë së Madhe dhe familjes mbretërore. Në vitin 2020, Harry dhe Meghan hoqën dorë nga detyrat e tyre mbretërore dhe u transferuan në Kaliforni.

LEXONI GJITHASHTU:

• Princ Harry “humb sfidën” me Gjykatën e Lartë për çështjen e sigurisë së tij
• Mbreti Charles me kancer/ Princ Harry kthehet për ta mbështetur pas lajmit të rëndë