Tirana kërkon të thyejë “mallkimin” e barazimeve, përballet me Elbasanin

Tirana-Elbasani mund të cilësohet kryendeshja e javës së pestë të Superligës shqiptare, ku përballen dy prej skuadrave më me emër të futbollit vendës ndër vite.

Verdheblutë në superformë, me Tiranën që ende nuk ia di aromën 3 pikëve, e synon që këtë gjë ta bëjë këtë të hënë. Përgatitjet kanë marrë fund në kryeqytet, me stafin bardheblu që e ka studiuar çdo lëvizje të kundërshtarit.

“Elbasani ekip i fortë, i mirë. E kam ndjekur më vëmendje, jam kurioz, e kemi analizuar. Skuadër për tu vlerësuar”, deklaroi  Bledi Shkëmbi, trajner i Tiranës

“Nuk merrem me pjesën e të pamposhturit, dua pikët. E thashë që e rëndësishme është që skuadrën e shoh mirë. Pavarësisiht me lojtarë që luajnë për herë të parë në Superligë. Pas pjesës së parë reaguam në ndeshjen e fundit. Nuk patëm eksperiecnën”, vijoi Shkëmbi.

Për futbollistin Ismajli, skuadra futet në fushë vetëm për fitore.

“Me Elbasanin para tifozëve, e respektojmë, luajmë vec për 3 pikë”, tha Ismajli.

Elbasani renditet në vendin e tretë me 7 pikë në tabelën e klasifikimit, ndërsa Tirana e shtata me 4 pikë.

LEXONI GJITHASHTU:

• Egnatia nis me hap kampioni, Dinamo stonon në ndeshjen e parë
• Humbja e parë e Egnatias| Rrogozhinasit ‘bien’ në Shkodër, Teuta përmbys Skënderbeun