Turqia përgatitet të evakuojë qytetarët nga Libani

Turqia po përgatitet të evakuojë qytetarët e saj dhe shtetasit e huaj nga Libani, sipas një burimi të ministrisë turke të mbrojtjes të cituar nga agjencia e lajmeve Reuters.

“Po bëhen planifikimi dhe përgatitje paraprake për një operacion të mundshëm evakuimi, ”, tha burimi.

Raporti vjen pasi Netanyahu tha se lajmi për një armëpushim me Hezbollahun “nuk është i vërtetë” dhe udhëzoi ushtrinë e tij që të vazhdojë të luftojë me forcë të plotë.

Gjithashtu Ambasada kineze në Liban ka paralajmëruar qytetarët e saj që të mos udhëtojnë në vend mes ofensivës ajrore të vazhdueshme të Izraelit.

Ambasada aktivizoi gjithashtu një plan reagimi emergjent dhe këshilloi qytetarët në Liban të largoheshin.

Vende të ndryshme tashmë u kanë kërkuar qytetarëve të tyre të largohen ose të shmangin udhëtimin në Liban këtë javë, duke përfshirë Italinë, Belgjikën, Britaninë e Madhe, Rusinë, Indinë dhe Malajzinë.

LEXONI GJITHASHTU:

• Sulmi ajror izraelit vret 23 punëtorë sirianë në Liban
• Marrëveshja e armëpushimit Izrael-Hezbollah mund të zbatohet në orët në vijim