Danimarka bëhet vendi i parë në Europë që braktis vaksinën AstraZeneca

Danimarka është tashmë shteti i parë europian që heq dorë përfundimisht nga përdorimi i vaksinës së AstraZeneca.

Agjencia shëndetësore e vendit pohoi se vendimi u mor për shkak të lidhjes së vaksinës me rastet e rralla të mpiksjes së gjakut.

Drejtori i agjencisë, Soeren Brostroem, tha se pavarësisht sugjerimeve të Organizatës Botërore  të Shëndetësisë dhe Agjencisë Europiane të Barnave për të vijuar vaksinimin me vaksinën suedezo-britanike, fushata e vaksinimeve në Danimarkë do të vijojë pa të.

Përmes një deklarate Brostroem tha: “Na duhet të themi se rezultatet tregojnë për një sinjal real e serioz të efekteve anësore nga vaksina AstraZeneca. Në bazë të konsideratave të përgjithshme, kemi vendosur të vijojmë fushatën e vaksinimeve për të gjitha grup moshat pa këtë vaksinë”.

Muajin e shkuar, Danimarka pezulloi përdorimin e AstraZeneca për shkak të shqetësimeve për efektet anësore të kësaj vaksine, ndërsa të dhënat që vijnë nga vendi konfirmojnë se shumica e qytetarëve janë vaksinuar me Pfizer-BioNTech.

Lexoni gjithashtu

• Vendimet mbi AstraZeneca-n, në Spanjë e Itali do të injektohen personat mbi 60-vjeç, në Britani të Madhe ndalohet për nën 30-vjeç
• Shkencëtarja shqiptare e EMA-s tregon se në cilat raste duhet t’i drejtohen mjekut, të vaksinuarit me ‘AstraZeneca’
• EMA deklaron se ‘mpiksjet e gjakut’ duhet të listohen si një efekt anësor “shumë i rrallë” i AstraZeneca