Zelensky pas takimit me Trump: Është e nevojshme të bëhet presion ndaj Putinit

Ukraina ka nevojë për një paqe të drejtë dhe mbështetet në mbështetjen dhe udhëheqjen e Shteteve të Bashkuara të Amerikës për të ushtruar presion mbi presidentin rus Vladimir Putin në të gjitha mënyrat e mundshme dhe për ta detyruar atë të ndalojë luftën.

Kështu tha Presidenti ukrainas Volodymyr Zelensky pas një takimi me kandidatin për president të SHBA-së, Donald Trump, transmeton Ukrinform.

“Është jashtëzakonisht e rëndësishme të arrihet një paqe e drejtë për njerëzit, veçanërisht për familjet që kanë humbur fëmijët. Kjo është një tragjedi e madhe”, tha udhëheqësi ukrainas.

Duke iu përgjigjur pyetjes se çfarë do të thotë një paqe e drejtë, Zelensky theksoi se, para së gjithash, kjo luftë as që duhej të kishte filluar.

Ai kujtoi se Putin vret njerëz, ndaj, siç tha ai, “duhet bërë gjithçka për t’i bërë presion që të ndalojë këtë luftë”.

Presidenti i Ukrainës theksoi se trupat ruse janë ende në territorin ukrainas.

LEXONI GJITHASHTU:

• Biden pret Zelensky-n në Shtëpinë e Bardhë
• Trump akuzon Zelenskyn: Po merr miliardat, por po refuzon arritjen e marrëveshjes