“Mos e shpërdoroni”- OKB thirrje në ditën ndërkombëtare për mungesën e ushqimit

Në Ditën Ndërkombëtare të Ndërgjegjësimit për Mungesën dhe Shpërdorimin e Ushqimit, OKB bën thirrje për të ndaluar keqpërdorimin e tij.

Numri i njerëzve që vuajnë nga uria është shtuar që nga viti 2014, por nga ana tjetër, me tonelata ushqime hidhen në kosh apo shpërdorohen çdo ditë.

Në nivel global, rreth 13.2 % e ushqimit të prodhuar humbet mes korrjes dhe shitjes me pakicë, ndërsa rreth 19 % e prodhimit të përgjithshëm global të ushqimit shpërdorohet në familje, në shërbimin ushqimor dhe në shitje me pakicë.

Kjo ditë ndërkombëtare nxjerr në pah nevojën kritike për financim për reduktimin e humbjeve dhe shpërdorimit të ushqimit, për të kontribuar në arritjen e qëllimeve klimatike dhe avancimin e Agjendës 2030 të OKB, për Zhvillim të Qëndrueshëm.

OKB kujton se, shpërdorimi i ushqimit, është i lidhur zinxhir me një sërë faktorësh. Asgjësimi i ushqimit dhe mbetjeve në landfille, çon në emetimin e gazrave serrë, duke kontribuar në ndryshimet klimatike.

Gjithashtu keqpërdorimi i ushqimit, ndikon negativisht në sigurinë ushqimore dhe disponueshmërinë e ushqimit dhe kontribuon në rritjen e kostos së ushqimit.

LEXONI GJITHASHTU:

• Thatësira shkatërron të korrat në Afrikë, vajzat martohen në këmbim të ushqimit
• Harris njofton planet për uljen e taksave dhe çmimet e ushqimeve