Niko Peleshi reagon për protestën e opozitës: Qeveria nuk vihet në diskutim

Kreu i grupit parlamentar të Partisë Socialiste, Niko Peleshi, ka folur nga Korça në lidhje me protestën që opozita do të zhvillojë të hënën më 7 tetor.

Ai theksoi se nuk sheh arsye për një qeveri teknike. Gjitahshtu shtoi se protesta e opzozitës po bëhet kundër një veprimi të formës së prerë të gjykatës.

“S’mund të komentoj çfarë vendos opozita, protesta është një element demokratik, nuk është një herezi. Protesta e dhunshme pastaj është diçka tjetër, por unë nuk mund ta paragjykoj. Protesta është zgjedhja e tyre, kërkesat politike ata mund t’i formulojnë sipas orekseve politike të veta, por unë nuk shikoj se ka ndonjë arsye që të vihet në diskutim Qeveria. Për ç’arsye, për shkak të një vendimi të formës së prerë të një sistemi të pavarur nga qeveria? A po flasim pasi kemi kryer së bashku një reformë në drejtësi? E kemi votuar me 140 vota, me duartrokitje. Tani të gjykojmë ne vendimet e gjykatave? Për këtë arsye të dali në protestë?”, tha Peleshi.