Studim i ri: Britania ka numrin më të madh të emigrantëve të paligjshëm në Evropë 

Britania e Madhe është shtëpia e më shumë emigrantëve të paligjshëm se çdo komb tjetër evropian, ka zbuluar sot hulumtimi i Universitetit të Oksfordit.

Në Britani ka rreth 745 mijë emigrantë të paligjshëm, që është një në 100 banorë, sipas hulumtimeve, transmeton Telegrafi britanik. Ky është më shumë se dyfishi i numrit të emigrantëve të paligjshëm në Francë – 300,000 – dhe madje më shumë se 700.000 në Gjermani, e cila ka popullsinë e dytë më të madhe të emigrantëve të paligjshëm në Evropë.

Shifrat u publikuan pasi Zyra e Brendshme tha se 973 emigrantë në 17 varka të vogla kaluan Kanalin Anglez të shtunën, numri më i lartë i mbërritjeve brenda një dite këtë vit.

Numri i përgjithshëm i njerëzve që kalojnë Kanalin në vitin 2024 pritet të jetë mbi 26,600, pesë për qind më shumë nga viti 2023, por 21 për qind më pak nga rekordi 33,611 në 2022.

Autoritetet franceze kanë konfirmuar se katër persona vdiqën gjatë përpjekjes për të kaluar Kanalin Anglez të shtunën, duke përfshirë një djalë dy vjeçar.