Prezantohet projekti për ndërtimin e parkingut nëntokësor te Pazari i Ri

Kryebashkiaku Erion Veliaj prezantoi këtë të mërkurë projektin e rehabilitimit të fasadave në rrugën “Luigj Gurakuqi” deri te sheshi “Avni Rustemi”. Ai theksoi se ky projekt parashikon ndërtimin e një parkingu nëntokësor me dy kate, që do t’i vijë në ndihmë banorëve të zonës për parkimin.

“Prezantuam sot projektin e rehabilitimit të fasadave dhe rrugës ‘Luigj Gurakuqi’ deri te sheshi ‘Avni Rustemi’ në Pazarin e Ri, për t’i dhënë një transformim të ri njërës prej zonave më të frekuentuara nga qytetarët dhe turistët. Aty do të ndërtojmë edhe një parking nëntokësor me dy kate, për t’i dhënë zgjidhje parkimit në zonë,” shkroi Veliaj në Facebook.

Kryebashkiaku po ashtu theksoi se projektet e bashkisë për të inkurajuar përdorimin e bicikletave dhe për të reduktuar përdorimin e makinave nuk do të thotë se janë kundër makinave. Ai shpjegoi se kanë vendosur një rend të ri prioritete, ku automjetet duhet të qëndrojnë poshtë njerëzve.

“Nuk i kemi shpallur luftë makinave, por kemi vendosur një rend të ri të prioriteteve, prandaj do të rrijmë lart dhe makinat do të rrinë poshtë në sheshin ‘Avni Rustemi’. E gjithë ajo hapësirë e jashtëzakonshme do të shërbejë për të zgjedhur aktivitetin dhe për të siguruar që njerëzit të kalojnë në këtë oaz kulinarie,” tha Veliaj.

LEXONI GJITHASHTU:

• VIDEO| Reshje intensive shiu në Tiranë, përmbyten disa rrugë
• “Fillo me ide-Fito një intership”, Veliaj prezanton projektin për të rinjtë