Shkrimtari serb kërkon njohjen e Kosovës, kritika ndaj Serbisë: Jam kundër dhunës

Shkrimtari serb, Dejan Atanackoviç, ishte pjesë e festivalit të letërsisë ‘Tirana Gate 2024’, një panel arti mbi politikën, të cilën artisti e sheh si hapësirë emocionale.

Ai është ndër të paktët autorë serb që ka kërkuar që shteti i tij të njohë Kosovën dhe shpesh ngacmon polemika me tezat qe ai trajton mbi politikën dhe aktualitetin.

Atanackoviç, që është dhe artist pamor pati kritika për situatën aktuale.

“Duhet përcaktuar pozicioni i Serbisë në raport me realitetin me Europën, Kosovën dhe duhet të përcaktuar pozicioni i Serbisë në raport me kulturën. Nuk kam qenë kurrë një njeri pro dhunës dhe këto që po i them këtu i kam thënë dhe në vendin tim, por e di se regjimi është gati për dhunë, e di se regjimi po e përjetëson dhunën kundër nesh, qytetarëve. Përgjigja që duhet të japim është në një pikë që duhet të jetë e përshtatshme. Politika në vendet tona po nxit shoqëritë e mbyllura dhe provincialismin dhe po e frenon zhvillimin e traditive demokratike,” – tha shkrimtari.

Romani i tij, Luzitanja merr në shqyrtim një anije britanike dhe një spital psikiatrik në Beograd.

Festivali ndërkombëtar i letërsisë “Tirana Gate” ka sjellë në edicionin e këtij viti 11 autorë të huaj e më shumë se 20 autorë shqiptarë të cilët me diskutime te tyre reflektojnë njeriun e sotëm, atë që bën politikën dhe letërsinë.

LEXONI GJITHASHTU:

• Dialogu Kosovë-Serbi| Eurodeputeti austriak: BE të caktojë njerëz të paanshëm
• VIDEO| Përplasje mes tifozëve shqiptarë dhe çekë pas thirrjeve “Kosova është Serbi”