Izraeli: 50 kamionë ndihma janë lejuar në veri të Gazës

Ushtria izraelite ka thënë se 50 kamionë që transportonin furnizime humanitare janë lejuar të hyjnë këtë të mërkurë në veri të Gazës.

Sipas COGAT (Koordinimi i Aktiviteteve Qeveritare në Territore), dorëzimi është urdhëruar nga ministri i mbrojtjes i Izraelit, Yoav Gallant, shkruan Sky News.

Programi Botëror i Ushqimit i OKB-së ka thënë se asnjë ushqim nuk ka hyrë në veri të Gazës në dy javët e para të këtij muaji.

Ndërkohë mbrëmjen e të martës SHBA tha se vendi ka 30 ditë për të lejuar të paktën 350 kamionë në ditë të hyjnë në Gaza përmes të katër kalimeve kryesore, ose rrezikon të humbasë mbështetjen ushtarake.

LEXONI GJITHASHTU:

• “Gjenocidi në Gaza, më i pashembullti në histori”, eksperti: U hodh bomba 2000 kg…
• OBSH: Rafah mund të mbetet edhe pa spitalin e fundit nëse vazhdojnë sulmet izraelite