Galeria ekspozon fondin, hapësirë për të njohur formimin e artit pamor shqiptar

Një vizitë në Galerinë Kombëtare të Arteve me miqtë, është gjithmonë një ide e mirë për të kaluar disa orë dhe për të njohur artin sikurse kanë zgjedhur të bëjnë këto vizitorë.

Galeria Kombëtare e Arteve ka zgjedhur që hapësirat t’ja dedikojë fondit të saj arkivor. Dhjetëra punime ne vizatime, pikturë, skulpturë dhe karikaturë janë prezantuar për të gjithë publikun artdashës. Në fakt një udhëtim i vogël në hapësirat e këtij institucioni do të na kthejnë pas në kohë.

Në fakt ky arkiv i hapur, ballafaqon stilet, ndikimet dhe tematikat që artistë të caktuar kanë pasur që nga shekulli i XX-të.

Vetë artisti Bujar Kapexhiu, u suprizua teksa pa një nga punimet e tij të REALIZUAR më 1985 dhe të nxjerrë nga arkivat për t’iu servirur publikut.

Por sikurse në çdo histori, edhe nëpërmjet këtyre tablove njohim “rebelet” që refuzuan të hiqnin dorë, nga stili, uni dhe liria e tyre. Kjo tablo e Edison Gjergos, “Epika e Yjeve të Mëngjesit” I kushtoi atij tetë vite heqje lirie.

Karikatura mbetet e veçantë për nga trajtesa, pasi me humor dhe ironi të hollë ngacmon fenomenin. Por si ishte të bëjë Karikaturë, gjatë regjimit dikatorial dhe si ka ndryshuar sot?

Por fare pak punime shpalosen në Arkivin e Hapur të Galerisë Kombëtare të Arteve, pas viteve 90, ku sipas artistëve që nga ajo kohë, galeria për shkak të mungesës së fondeve, ka blerë shumë pak vepra.

Kjo ekspozitë do të qëndrojë e hapur pa një afat të caktuar, pasi  kohë pas kohë, në sallat e ekspozitës  dalin punime të tjera nga fondi i institucionit.