Rama nga SHBA: Po bëhen negociata për hapjen e linjës ajrore direkte New York-Tiranë

Gjatë një takimi me shqiptarët e Diasporës në New York, Kryeministri Edi Rama u pyet nga të pranishmit se kur do të mund të ketë një linjë ajrore direkte nga SHBA-ja në Shqipëri.

Rama tha se aktualisht ka një negociatë me kompaninë amerikane Delta për të nisur fluturimet direkte mes Nju Jorkut dhe Tiranës.

Shefi i qeverisë nuk dha ndonjë datë se kur mund të arrihet kjo marrëveshje për fluturimet e para direkte SHBA-Shqipëri.

“Ju e dini se Shqipëria ka aeroportin ndërkombëtar me rritjen më të madhe në Europë dhe aktualisht aeroporti po negocion me kompaninë amerikane Delta për të filluar fluturimet direkte New York-Tiranë. Nuk e di kur do të përfundojë kjo negociatë,” tha Rama.

LEXONI GJITHASHTU:

• Rama nga New York-u: Reforma në drejtësi, s’mund të kryej pa ndihmën e aleatëve
• Me flamujt e PD dhe amerikanë, shqiptarët në SHBA protestë pranë takimit të Ramës
• Rama rikthen takimet me Diasporën: Të shtunën në New York, më 3 nëntor në Selanik