Harris apo Trump? Është koha që Amerika të vendosë, dy shtetet përcaktuese

Sot është Dita e Zgjedhjeve në Shtetet e Bashkuara, ku miliona amerikanë do të zgjedhin presidentin e ardhshëm. Deri tani, më shumë se 82 milionë votues kanë hedhur votat e tyre në votimin e hershëm, ndërkohë që një numër i konsiderueshëm ende pritet të dalë në votim gjatë ditës. Në zgjedhjet e vitit 2022, rreth 161 milionë qytetarë amerikanë ishin të regjistruar për të votuar, duke sugjeruar një pjesëmarrje të madhe edhe këtë vit.

Në tubimin e saj të fundit në Pensilvani, kandidatja demokrate Kamala Harris shprehu entuziazmin dhe optimizmin për rezultatin, duke theksuar dëshirën për ta përfunduar fushatën me energji dhe gëzim. Në anën tjetër, republikani Donald Trump përmbylli fushatën e tij në Michigan, një shtet i rëndësishëm luhatës, ku e akuzoi kundërshtaren e tij si një “të majtë radikale”.

Pse Harris dhe Trump përfunduan fushatat e tyre në Pensilvani dhe Michigan?

Shkurtimisht, sepse ata janë dy nga shtatë shtetet e lëkundura që do të vendosin rezultatin e këtyre zgjedhjeve.

19 votat elektorale të Pensilvania u fitua me 82 mijë vota nga Biden, i cili është me origjinë nga shtet.

Michigan ka 15 vota elektorale dhe konsiderohet një shtet i domosdoshëm për të dy kandidatët presidencialë. Për disa dekada, Michigan ishte pjesë e të ashtuquajturave shtete të “murit blu”, duke votuar me besnikëri për demokratët në zgjedhjet presidenciale.

Por Trump e prishi këtë traditë në vitin 2016, përpara se Biden ta kthente atë për demokratët në 2020.

LEXONI GJITHASHTU:

• Clinton para zgjedhjeve: Kam shpresë, por dhe frikë për atë që do vijë pas 2024-ës
• Kush kryeson në SHBA, sondazhet në prag të zgjedhjeve: Shtetet që vendosin