Tre të akuzuar në lidhje me vdekjen e këngëtarit Liam Payne

Tre persona janë akuzuar në lidhje me vdekjen e yllit të One Direction, Liam Payne, kanë thënë autoritetet argjentinase.

Këngëtari vdiq më 16 tetor pasi u rrëzua nga ballkoni i katit të tretë të një hoteli në Buenos Aires.

Zyra e Prokurorisë Kombëtare Penale dhe Korrektuese të Argjentinës tha se një person që kishte shoqëruar Payne akuzohet “braktisja e një personi të ndjekur nga vdekja”.

Një punonjës hoteli dhe një person i tretë janë akuzuar edhe për furnizim me drogë.

Payne, 31 vjeç, baba i një fëmije, ishte një nga emrat më të njohur të pop-it pasi u shfaq në The X Factor dhe u ngrit në famë me grupin One Direction në vitet 2010.

Autoritetet argjentinase kanë hetuar ditët e fundit të Payne në hotelin CasaSur.

Pas vdekjes së këngëtarit, policia gjeti substanca në dhomën e tij të hotelit si dhe objekte e mobilie të shkatërruara. Stafi i hotelit kishte bërë dy telefonata në shërbimet e urgjencës duke thënë se ata kishin një mysafir që kishte marrë “shumë drogë dhe alkool” dhe ishte “duke hedhur poshtë të gjithë dhomën”, u raportua më parë.

Të enjten, zyra e prokurorit publik tha se testet toksikologjike zbuluan gjurmë alkooli, kokaine dhe një antidepresant me recetë në trupin e tij.

Nga ekspertiza pas vdekjes u konstatua shkaku i vdekjes së tij si “trauma e shumëfishtë” dhe “hemorragji e brendshme dhe e jashtme” si pasojë e rënies nga ballkoni i hotelit.

Sipas zyrës së prokurorit, raportet mjekësore sugjeruan gjithashtu se Payne mund të kishte rënë në një gjendje gjysmë ose totalisht pa ndjenja.

LEXONI GJITHASHTU:

• Pak momente para se Payne humbi jetën, ja transkripti i telefonatës me policinë
• Ylli i One Direction humb jetën në moshën 31-vjeçare, ra nga kati i tretë