“Duart tona me baltë, tuajat me gjak”- Mijëra spanjollë protestojnë për përmbytjet

Mijëra qytetarë dolën në rrugët e Valencias të shtunën për të kërkuar përgjegjësi nga autoritetet rajonale për menaxhimin e situatës pas përmbytjeve masive që shkaktuan më shumë se 220 viktima dhe mbi 80 të zhdukur. Protesta masive, e mbajtur në qendër të qytetit, drejtoi kritika ndaj drejtuesit rajonal, Calros Mazon, duke e akuzuar për keqmenaxhim të krizës dhe për vonesën në lëshimin e alarmeve të emergjencës.

Protestuesit mbanin pankarta ku shkruhej “duart tona janë të baltosura, por tuajat të lyera me gjak” dhe lëshuan thirrje të ashpra si “vrasës” ndaj zyrtarëve. Organizuar nga më shumë se 30 organizata të shoqërisë civile, protesta kishte për qëllim të pasqyronte zemërimin e banorëve, të cilët besojnë se reagimi i ekipeve të emergjencës ishte i vonuar dhe i papërshtatshëm për përmasat e katastrofës.

Gjatë protestës, tensionet u rritën kur disa qytetarë u përplasën me policinë, duke hedhur objekte ndaj forcave të rendit dhe duke kërkuar me ngulm dorëheqjen e Mazónit. Protesta vuri në dukje thellësinë e dhimbjes dhe ndjenjën e humbjes që ka përfshirë rajonin, ndërsa thirrjet për drejtësi dhe transparencë për menaxhimin e krizës vazhdojnë të shtohen.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• “Largohu vrasës”, të mbijetuarit nga përmbytjet në Spanjë hedhin baltë drejt mbretit
• Përmbytjet në Valencia, Spanja nis 500 ushtarë shtesë, banorët kritika autoriteteve