“Largohu vrasës”, të mbijetuarit nga përmbytjet në Spanjë hedhin baltë drejt mbretit

Një turmë e të mbijetuarve nga përmbytjet e Spanjës hodhën baltë dhe fyen mbretin e Spanjës, Felipe VI, gjatë vizitës së parë të tij në një nga qytetet më të goditura nga shirat e rrëmbyeshëm.

Bëhet e ditur se zyrtarët qeveritarë shoqëruan monarkun i cili u përpoq të fliste me vendasit, ndërsa një pjesë e tyre i bërtisnin.

Policisë iu desh të ndërhynte me oficerët me kalë për të mbajtur prapa turmën e njerëzve.

“Largohu, largohu” dhe “vrasës”, ishin vetëm dy nga disa fjalët me të cilat populli spanjoll iu drejtua mbretit.

Kujtojmë se mbi 200 njerëz kanë vdekur nga përmbytjet e së martës dhe mijërave u janë shkatërruar shtëpitë e tyre nga uji dhe balta.

Të paktën 60 nga të vdekurit ishin në Paiporta, një epiqendër e vuajtjeve.

LEXONI GJITHASHTU:

• Spanja post-katastrofës, ekipe vullnetarësh ndihmojnë në pastrimin e qyteteve
• Përmbytjet në Valencia, Spanja nis 500 ushtarë shtesë, banorët kritika autoriteteve