Vullnetarët kanë mbërritur në qytetin spanjoll Paiporta për të ndihmuar në pastrimin e baltës dhe mbeturinave të tjera pas përmbytjeve katastrofike.
Duke qenë se në këtë qytet kanë humbur jetën 60 nga 214 viktimat, mediat lokale e kanë quajtur atë “ground zero”.
Ndërsa policia dhe ekipet e emergjencës vijojnë punën në kërkim të trupave, autoritetet duken të habitura nga përmasat e katastrofës.
Të mbijetuarit po mbështeten tek vullnetarët, të cilët nxituan të plotësonin mungesat e efektivëve duke ardhur edhe nga jashtë.
Ndërkohë, kryeministri Pedro Sanchez vizitoi selinë e Njësisë Ushtarake të Emergjencave në afërsi të Madridit.
Ai u njoh me punën e bërë nga kjo strukturë që prej së martës, e fokusuar kryesisht në operacionet e kërkim-shpëtimit.
Më herët, Sanchez njoftoi se 10 mijë trupa shtesë do të vendosen në provincën lindore të Valencias, më e prekura nga katastrofa.
LEXONI GJITHASHTU:
- Pronari nuk i dha rrogën, vetëvritet i riu shqiptar. Babai mes lotëve kërkon ndihmë
- Goditi me thikë të birin e mitur, Gjykata e Korçës lë në burg 54-vjeçarin
