Rikthehen ndeshjet e Ligës së Kombeve, spikat Belgjikë-Itali

Fazës së grupeve në Ligën e Kombeve po i vjen fundi, ku do të luhen 2 përballjet e fundit, dhe më pas do të caktohen verdiktet finale. Kjo e enjte ngre siparin e dy ndeshjeve të fundit, ku në fushë zbresin pretendentët kryesorë për fitimin e trofeut. Dueli më interesant luhet në Belgjikë, aty ku “djajtë” presin Italinë, ekipin më në formë të grupit. Përballja e parë u mbyll në barazim 2-2, me axurrët që janë më të avantazhuar sa i përket renditjes, ku me një fitore konfirmohen në krye të grupit.

Në anën tjetër, Belgjika thuajse nuk ka gjasa që të marrë vendin e parë. Në të njëjtin grup luhet dhe dueli tjetër mes trikolorëve të Francës dhe Izraelit. Këta të fundit janë pa shpresë për të avancuar më tej, kështu që fitorja për të besuarit e Deschamps është detyrim.

Mbrëmjen e sotme debuton Thomas Tuchel në krye të ekipit të Anglisë, dhe sfida e tij e parë është ndaj Greqisë. Një përballje që luhet në transfertë, kundër kreut të grupit, që ka fituar të 4 përballjet e deri më tashme.

Në ndeshjen e luajtur në ishull, “3 luanët” u shtangën nga fitorja 1-2 e helenëve, dhe tani synojnë t’i kthejnë reston. Favoritë të padiskutueshëm për fitimin e 90 minutëshit janë britanikët, por, ashtu si më herët, nuk përjashtohen surprizat.

LEXONI GJITHASHTU:

• Grumbullohet Kombëtarja, Strakosha e Fetai analizojnë sfidat: Na presin 2 finale
• Ndeshja kundër Çekisë, kuqezinjtë besojnë te fitorja: E njohim mirë kundërshtarin