Shpallen rezultatet e zgjedhjeve në Gjeorgji, kreu i komisionit spërkatet me bojë
Kreut të Komisionit Qendror Zgjedhor të Gjeorgjisë, Giorgi Kalandarishvili iu hodh bojë brenda Komisionit në Tbilisi teksa priteshin rezultatet e votave.
Ky hap vjen nga një anëtar komisioni nga partia opozitare ‘Lëvizja e Bashkuar Kombëtare’ menjëherë pas fitorës së partisë qeverisëse ‘Ëndrra Gjeorgjiane’ me 53.93% të votave në 26 tetor.
Mbështetësit e opozitës kanë hedhur poshtë rezultatet duke hedhur akuza se votimi ishte manipuluar, se rezultatet nuk pasyqronin ‘zgjedhjen e vërtetë’ të votuesve, një akuzë që partia ‘Ëndrra Gjeorgjiane’ e mohon.
Kalandarishvili u përgjigj duke thënë se përdorimi i “presionit, bullizmit dhe fyerjeve personale” dëshmojnë se nuk ka prova të manipulimit të votave.
Nga ana tjetër, njerëzit u mblodhën jashtë godinës së Komisionit në shenjë proteste ndaj rezultatit zyrtar ku disa prej tyre ishin arrestuar nga policia.
Të shumta kanë qenë reagimet mbi rezultatet e këtyre zgjedhjeve, duke i përshkruar se po zhvilloheshin në një atmosferë “përçarëse” të shënuar nga raste të ryshfetit, votimit të dyfishtë dhe dhunës fizike.
Një reagim tjetër vjen nga Presidentja Salome Zourabichvili, e cila ka hedhur poshtë rezultatet zyrtare, dhe thotë se Gjeorgjia ka rënë viktimë e presionit nga Moska kundër anëtarësimit në Bashkimin Evropian. Presidentja Zourabichvil, mban një pozicion kryesisht ceremonial dhe i ka kërkuar SHBA-së dhe BE-së të mbështesin demonstratat.
Zyrtarët në Uashington dhe Bruksel kanë kërkuar një hetim të plotë të zgjedhjeve, ndërsa Kremlini ka hedhur poshtë akuzat për ndërhyrje.
LEXONI GJITHASHTU
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta