Presidentja e Gjeorgjisë, Salome Zurabishvili, ka thënë pas një takimi me një delegacion të Bashkimit Evropian se, partia në pushtet e afërt me Rusinë, Ëndrra Gjeorgjiane, i ka “kapur virtualisht” të gjitha institucionet, dhe ka bërë thirrje për zgjedhje të reja, për të drejtuar këtë shtet kah integrimet euro-atlantike.

Zurabishvili i ka bërë këto komente në një konferencë për media në Tbilisi, pas një takimi që ka zhvilluar me një delegacion të zyrtarëve evropianë, pas zgjedhjeve të kontestuara të muajit të kaluar.

Ëndrra Gjeorgjiane pretendon se i ka fituar 54 për qind të votave, pavarësisht dyshimeve për mashtrime të mëdha dhe ndikim rus.

Gjeorgjianët kanë mbajtur disa herë protesta prej zgjedhjeve të 26 tetorit, duke kundërshtuar rezultatet, dhe kanë bërë thirrje për përsëritje të zgjedhjeve.

“Jemi duke hyrë në krizë”, ka thënë Zurabishvili, e cila ka refuzuar të pranojë rezultatin zgjedhor.

“Nuk ka befasi këtu, kriza është e qartë”, ka thënë Zurabishvili, duke shtuar se shtetit i duhen “zgjedhje të reja, në mënyrë që Gjeorgjia të ketë një parlament legjitim, qeveri legjitime, dhe president të ri legjitim kur do të vijë koha”.

LEXONI GJITHASHTU:

• Kërkojnë rritje rroge me 20%, punonjësit shëndetësor në Kroaci futen në grevë
• Opozita në Gjeorgji vazhdon protestat kundër rezultatit të zgjedhjeve