Digjet fabrika e këpucëve në Kurbin, zjarrfikësit 4 orë në luftë me flakët

Një fabrikë këpucësh në Shullaz të Kurbinit, është përfshirë nga flakët mbrëmjen e datës 29 nëntor. Nga zjarri nuk ka lëndime në njerëz, por vetëm dëme materiale.

Ishte roja i biznesit i cili ka konstatuar zjarrin dhe ka lajmëruar menjëherë Shërbimin Zjarrfikës dhe Policinë. Fillimisht në vendin e ngjarjes kanë shkuar zjarrfikësit e Kurbinit, por situate doli jashtë kontrollit dhe u kërkua ndihmë nga zjarrfikësit e Lezhës, Kurbinit, Tiranës dhe Kamzës te cilët ndihmuan në shuarjen e flakëve dhe shmangien e rrezikut për zonën e banuar aty pranë.

Për shkak edhe të erës së fortë operacioni ishte mjaft i vështire, ndërsa për të garantuar sigurinë policia bllokoi rrugën e vjetër Laç-Milot.

Pas shuarjes së flakëve nisi dhe përllogaritja e dëmeve të cilat janë të konsiderueshme, pasi njëra nga magazinat me vajta dhe lëndë të parë për prodhimin e këpucëve është shkrumbuar plotësisht. Po ashtu, grupi hetimor po kryen veprimet në vendin e ngjarjes me qëllim, zbardhjen e rrethanave dhe shkaqeve të këtij zjarri.

LEXONI GJITHASHTU:

• Ngjarje e rëndë në Durrës! E moshuara tenton të vetëdigjet me benzinë para Bashkisë
• Digjet banesa në Has, humbin jetën nënë e bir