Trajneri italian i Elbasanit jep dorëheqjen e papritur pas fitores 3-1

Roberto Bordin, trajneri i skuadrës së Elbasanit, ka dhënë dorëheqjen ditënkëtë të enjte, një veprim që ka befasuar shumë, duke pasur parasysh se një ditë më parë Elbasani mundi 3-1 Bylisin.

Në një njoftim zyrtar, klubi shkruan: “AF Elbasani njofton publikun për shkëputjen e bashkëpunimit me trajnerin Bordin. Tekniku italian ka paraqitur dorëheqjen kështu duke u larguar nga drejtimi i ekipit. Familja verdheblu i uron suksese në vazhdim.”

Pas largimit të Bordin, Elbasani mbetet pa trajner dhe ka nisur kërkimet për një pasues të mundshëm të italianit. 59-vjeçari kishte marrë drejtimin e ekipit më 12 korrik dhe në 16 ndeshjet e Superiores kishte regjistruar katër fitore, nëntë barazime dhe tre humbje, duke grumbulluar 21 pikë.

LEXONI GJITHASHTU:

• Ivan Gvozdenoviç largohet pas 2 vitesh nga drejtimi i Skënderbeut
• Ernest Gjoka trajneri i ri i Skënderbeut