Ligji për gjuhët, Ahmeti flet para “Kushtetueses”: Historia po më kthen 40 vjet pas
Kryetari i Bashkimit Demokratik për Integrim (BDI), Ali Ahmeti, foli këtë të mërkurë para Gjykatës Kushtetuese në Maqedoninë e Veriut ku po diskutohet kushtetutshmëria e disa dispozitave të Ligjit për gjuhët, i cili u miratua në vitin 2018 dhe hyri në fuqi një vit më vonë.
“Sot historia po më kthen 40 vite më parë, sot historia po më kthen në vitin 1989 kur njëanshëm gjykatësit e institucioneve politike suprimuan kushtetutën e atëhershme. Sot po më kujton vitin 1989 kur Millosheviçi suprimoi autonominë e Kosovës. Unë jam përjetues i gjitha këtyre ngjarjeve. Këto ngjarje sollën dhimbje dhe tragjedi”, tha Ahmeti.
“Sot këta që njëanshëm vendosin drejtësi, kjo drejtësi nuk bën gjë tjetër veç e rritë zemëratën në përmasa të një populli të tërë shqiptar që jeton në tokat e veta, në Maqedoninë e Veriut. Çdo vendim i pamatur do të shkaktojë revoltë të shqiptarët”
Në lidhje me këtë çështje që ka nxitur debat, një dokument i publikuar kohët e fundit i përgatitur nga një gjyqtar kushtetues, sugjeron mes tjerash se Gjykata Kushtetuese nuk duhet të iniciojë procedurën për vlerësimin e kushtetutshmërisë së Ligjit për Gjuhët.
Zëvendëskryeministri i Maqedonisë së Veriut, Izet Mxhiti, pjesë e koalicionit shqiptar VLEN, gjatë një konference për shtyp të martën ka siguruar se as për Ligji për Gjuhët dhe as përdorimi zyrtar i gjuhës shqipe nuk do të ndryshojnë, dhe këtë e ka konfirmuar, sipas tij, edhe kryeministri dhe presidentja e Maqedonisë së Veriut.
LEXONI GJITHASHTU:
Spanja zbulon 111 raste me kancer që lidhet me implantet e gjirit
Të fshehur brenda kamionit cisternë, gjenden 30 emigrantë në Turqi! Një i arrestuar
Zhduket e mitura në Francë, policia gjen një trup të pajetë! Arrestohet babai i shoqes së saj
- 19:56 Hezbollahu sulmon trupat izraelite në Libanin jugor
- 19:47 “Shqipëria e shqiptarëve”, pankartat e qytetarëve në protestë (FOTO)
- 19:39 Qytetarët e Vlorës sërish në protestë te Sheshi i Flamurit kundër projektit në Zvërnec
- 19:28 Spanja zbulon 111 raste me kancer që lidhet me implantet e gjirit
- 19:25 Babai i Martin Canit i bashkohet protestës kundër projektit në Zvërnec (VIDEO)
- 19:18 Prattipati i bën thirrje Kosovës t’i bashkohet projektit amerikan për gazin