Statuja 2000-vjeçare gjendet në koshin e plehrave në Selanik

Një statujë prej mermeri e një gruaje, që besohet të jetë më shumë se 2000 vjeç, u gjet sot në një kosh plehrash pranë Selanikut, tha policia e qytetit.

Një qytetar i Selanikut, i cili gjeti statujën 80 centimetra në një kosh plehrash, ia dorëzoi objektin autoriteteve lokale, të cilët kontaktuan arkeologët për të vlerësuar rëndësinë e saj, raporton agjencia e lajmeve AP.

Policia tha se ekspertët vlerësuan se statuti ishte rreth 2000 vjet i vjetër dhe se sendi do t’i dorëzohej Autoritetit lokal të Antikiteteve për ruajtje dhe studim.

Një burrë, i cili dyshohet se ka hedhur statujën në plehra, është arrestuar, por pas marrjes në pyetje është lënë i lirë pa asnjë akuzë.