Kolumbia dërgon avionë të forcave ajrore për të marrë emigrantët e dëbuar nga SHBA

Kolumbia ka nisur avionë të Forcave Ajrore për të riatdhesuar 110 emigrantë kolumbianë të dëbuar nga SHBA, me fluturime nga San Diego dhe Hjustoni.

Ky hap vjen pas tensioneve mes Uashingtonit dhe Bogotës, pasi Presidenti kolumbian Gustavo Petro refuzoi që deportimet të kryheshin me avionë ushtarakë amerikanë, duke e cilësuar këtë si mungesë respekti.

Refuzimi i Petro-s nxiti një kërcënim nga Presidenti Donald Trump për vendosjen e tarifave ekonomike ndaj Kolumbisë, ndërsa Bogota u zotua të kundërpërgjigjej. Megjithatë, të dyja palët arritën një marrëveshje për të qetësuar situatën, duke rënë dakord që deportimet të kryhen me avionë kolumbianë, ku emigrantët do të udhëtojnë “pa pranga”.

Ndërkohë, Guatemala ka pranuar përdorimin e avionëve ushtarakë amerikanë për riatdhesimin e qytetarëve të saj. SHBA ka intensifikuar deportimet pas premtimeve të Trump gjatë fushatës, duke paralajmëruar tarifa ndaj vendeve që refuzojnë të bashkëpunojnë.

Ndryshimi kryesor në proces është përdorimi i avionëve ushtarakë, ndërsa më parë deportimet kryheshin me fluturime civile.

LEXONI GJITHASHTU:

• Kolumbia ‘dorëzohet’ para Trump: Si vendi latin ra dakord të pranojë emigrantët
• Raporti: Prodhimi i kokainës në Kolumbi në rekord të lartë me rritje 53%