Pse Rama nuk po reagon për Veliajn? Hila: Nuk jam aq naiv sa…

Lidhur me çështjen e arrestimit të kryebashkiakut Erion Veliaj këtë të hënë, ka folur gazetari Dritan Hila i ftuar në emsionin “Now”.

I pyetur se përse kryeministri Rama nuk ka bërë akoma një reagim mbi arrestimin e Veliajt, Hila ndan mendimin se Rama nuk dëshiron të nxitohet dhe shpreh dyshimet se ky i fundit mund të mos ketë pasur dijeni për akuzat e ngritura ndaj kryebashkiakut.

“Veliaj ishte drejtues i fushatës politike në Tiranë por dhe figurë e rëndëishme e PS-së. Mendoj që Rama nuk do që të nxitohet me një reagim. Nuk dua të besoj që Rama ishte në dijeni të akuzës së plotë sepse SPAK është i strukturuar në mënyrë të atillë.

Por nga ana tjetër, që të kishte dijeni për arrestimin e tij, nuk jam aq naiv sa të besoj të kundërtën. Për akuzën e plotë kam dyshime që kishte dijeni të plotë Rama”, tha Hla.

Ai ka shtuar gjithashtu se në një pikëpamje tjetër, prokurori i kësaj çështje duket të ketë një lloj ligësie dhe ndoshta nuk e ka informuar kryeministrin Rama për gjithçka. Sipas Dritan Hilës, nuk ka një sinkron apo harmoni midis arrestimit të Erion Veliajt dhe Edi Ramës.

LEXONI GJITHASHTU:

• “Veliaj u arrestua pa prova”, Manjani: Kjo është e papranueshme për çdo qytetar
• Erion Veliaj reagon pas arrestimit: S’kam lidhje me fjalën korrupsion!