Zelensky: Do takoj Putinin vetëm pasi të arrihet një plan i përbashkët me Trump

Presidenti ukrainas, Volodymyr Zelensky, ka shprehur gatishmërinë për të takuar personalisht Presidentin rus, Vladimir Putin, por vetëm pasi të arrihet një plan i përbashkët me Presidentin amerikan Donald Trump.

Ai theksoi se Trump ka një rol kyç në përfundimin e luftës mes Rusisë dhe Ukrainës dhe se është i gatshëm të diskutojë për të arritur një zgjidhje. Gjatë Konferencës së Sigurisë në Mynih, Zelensky zbuloi se Trump i kishte dhënë numrin e tij të telefonit dhe shprehu shpresën për një përpjekje të përbashkët që mund të çojë në një zgjidhje përfundimtare të konfliktit.

Nënpresidenti amerikan JD Vance, i cili pati një takim të veçantë me Zelenskyn, theksoi se Shtetet e Bashkuara janë të angazhuara për të mbështetur Ukrainën dhe se është e nevojshme një zgjidhje e negociuar e luftës për të parandaluar rritjen e tensioneve dhe për të ruajtur stabilitetin në Evropë.

Gjatë fjalimit të tij në konferencë, Vance kritikoi politikat e migracionit të paligjshëm dhe i lidhur ato me rrezikun nga ekstremizmi islamik, duke përmendur një sulm të dështuar të ekstremistëve islamikë në Mynih. Ai nënvizoi rëndësinë e sigurimit të kufijve dhe ruajtjes së rendit dhe stabilitetit, si dhe nevojën për të ndaluar çdo përpjekje për të destabilizuar rajonin.

LEXONI GJITHASHTU:

• Takimi i Nënpresidentit JD Vance me Presidentin e Ukrainës Zelensky, çfarë u tha
• Çështja ndaj Kryebashkiakut Eric Adams sjell dorëheqje në Departamentin e Drejtësisë