Nënpresidenti amerikan, JD Vance, tha se qëllimi i Uashingtonit është arritja e një marrëveshje paqeje të qëndrueshme mes Ukrainës dhe Rusisë.

Ai e bëri këtë deklaratë pas takimit me Presidentin ukrainas Volodymyr Zelenskiy në Mynih, në kuadër të Konferencës së Sigurisë. Vance theksoi se dëshira është që lufta të përfundojë dhe të arrihet një paqe që do të shmangte konflikte të mëtejshme në Evropën Lindore. Ai shtoi se do të ofronin më shumë detaje për planin e paqes në të ardhmen.

Presidenti Zelensky gjithashtu e vlerësoi takimin si pozitiv dhe theksoi se duhet bërë më shumë punë për hartimin e një plani që do të ndalonte Presidentin Putin. Ai kërkoi “garanci sigurie” nga Shtetet e Bashkuara përpara se të zhvilloheshin negociata për të mbyllur luftën.

Nënpresidenti Vance e sheh progresin e negociatave si të lidhur me angazhimin e delegacionit ukrainas, duke theksuar rëndësinë e bisedimeve për të arritur fundin e konfliktit. Ai shmangu pyetjet mbi marrëveshjet e mundshme për mineralet me Ukrainën dhe afatet për përfundimin e negociatave.

LEXONI GJITHASHTU:

• “Ka ardhur sherif i ri në qytet”- Vance shokon liderët evropianë në Mynihh
• Zelensky: Nuk shoh asnjë plan konkret të SHBA për t’i dhënë fund luftës në Ukrainë