Presidenti i Ukrainës Volodimir Zelensky nga Mynihu, ku po merr pjesë në Konferencën e Sigurisë, tha se bisedimet me Trump deri më tani nuk janë të mjaftueshme për të krijuar një plan për paqen.
Volodymyr Zelensky thotë se diskutimet e mëparshme me presidentin e SHBA-së, Donald Trump, deri më tani nuk janë “definitivisht të mjaftueshme për të krijuar një plan” për paqen.
Ai, megjithatë, shton se sinjalet që vijnë nga Amerika janë “të forta”, megjithëse “të ndryshme”, duke shtuar se duhet të ketë bisedime të mëtejshme me Zëvendës Presidentin e SHBA JD Vance. Dyshja pritet të takohen sot.
Pak minuta pasi mbërriti në Konferencën e Sigurisë në Mynih, Zelensky menjëherë trajtoi pyetjet mbi të ardhmen e vendit të tij, duke thënë se Ukraina dëshiron të jetë në NATO dhe se nuk do t’i njohë territoret e pushtuara si ruse.
“Ne kurrë nuk do t’i njohim territoret e pushtuara si ruse”, tha Zelensky në një deklaratë për shtyp në Konferencën e Sigurisë në Mynih.
“Ne duam të jemi në NATO, po. Ne i besojmë garancive të sigurisë së NATO-s. Unë mendoj se ky është opsioni më i lirë për të gjithë”, u shpreh Zelensky, duke shtuar se Evropa do të duhet të bashkohet rreth Ukrainës për të mbrojtur veten.
LEXONI GJITHASHTU:
- Zelensky në Konferencën e Mynihut: Sulmi i Çernobilit dëshmon se Putini nuk do paqe
- Zelenskyy: Nuk pranojmë marrëveshje pa pjesëmarrjen tonë në bisedime. Reagon Trump
