Uashingtoni shpall si organizata terroriste 8 kartele të drogës në Amerikën Latine

Administrata e Presidentit Donald Trump ka shpallur zyrtarisht tetë organizata të krimit të organizuar në Amerikën Latine si “organizata të huaja terroriste”, duke intensifikuar trysninë mbi kartelet e drogës dhe ata që i mbështesin.

Ky veprim, që bazohët në një urdhër ekzekutiv të lëshuar më 20 janar, përfshin organizatat kriminale si Tren de Agua nga Venezuela dhe MS-13 nga El Salvador. Lëvizja do të publikohet të enjten në Regjistrin Federal.

Një nga prioritetet kryesore të administratës Trump është sigurimi i kufirit SHBA-Meksikë, ku ai është angazhuar për dëbimin masiv të imigrantëve të paligjshëm dhe për të dërguar trupa ushtarake në kufi. Përcaktimi i karteleve si organizata terroriste është i pazakontë, pasi ky etiketim është zakonisht përdorur për grupe si al-Kaida ose Shteti Islamik, që përdorin dhunë për qëllime politike.

Administrata e Trump argumenton se këto grupe përdorin dhunë dhe trafikun e drogës dhe imigrantëve për të zgjeruar territoret e tyre, dhe se lidhjet ndërkombëtare të këtyre grupeve justifikojnë këtë etiketim.

Krtikët e kësaj mase thonë se ajo mund të dëmtojë marrëdhëniet me Amerikën Latine dhe të pengojë tregtinë, duke krijuar frikë për mundësinë e ndjekjeve penale për ata që janë të lidhur me botën e karteleve, si banka dhe biznese. Kartele të drogës kanë një ndikim të gjerë në ekonominë meksikane, përfshirë trafikun e drogës dhe luftën për kontrollin e tregtisë së avokados, një industri disa miliardë dollarëshe.

Grupi i ndihmave dhe organizatat e biznesit kanë shprehur shqetësime për ndikimin që kjo masë mund të ketë në importet dhe eksportet e ushqimeve.

Në një reagim, Presidentja e Meksikës, Claudia Sheinbaum, ka theksuar se Meksika do të mbrojë sovranitetin dhe pavarësinë e saj dhe do të koordinohet me SHBA-në për të luftuar kartelet, duke theksuar se lufta kundër krimit duhet të zhvillohet brenda territoreve të dy vendeve.

LEXONI GJITHASHTU:

• Mbështetësit e Trump pushtojnë Uashingtonin, presidenti i zgjedhur mbërrin në kishë
• Meksika zotohet të padisë Google Maps për ndryshimin e emrit të Gjirit të Meksikës