Dinamo përmbys Skënderbeun dhe kalon në gjysmëfinalet e Kupës së Shqipërisë

Dinamo siguroi një vend në gjysmëfinalet e Kupës së Shqipërisë, pasi fitoi 2-0 në ndeshjen e kthimit ndaj Skënderbeut duke barazuar rezultatin e përgjithshëm pasi në ndeshjen e parë dinamovitët kishin humbur me të njëjtin rezultat 0-2.

Ndeshja shkoi në shtesa, ku golat e Qardakut dhe Zabërgjës vulosën fitoren 2-4 në total, duke siguruar kualifikimin e dinamovitëve në gjysmëfinale.

Pas sfidës, trajneri i Skënderbeut, Ernest Gjoka, deklaroi se skuadra e tij nuk mund të garonte në dy fronte për shkak të mungesave dhe e konsideroi këtë ndeshje si një test për lojtarët e rinj të Akademisë U19.

Nga ana tjetër, trajneri i Dinamos, Ilir Daja, u shpreh i kënaqur me kualifikimin, por theksoi shqetësimet për rikuperimin e lojtarëve. “Kemi probleme me kontingjentin dhe duhet të jemi të kujdesshëm për të përballuar kampionatin dhe Kupën,” tha Daja.

LEXONI GJITHASHTU: